एकमेका सहाय्य करू शाळा करू समृद्ध..

हल्ली एका वर्गात साधारणता दोन ते तीन प्रकारे अध्ययन स्तर असणारे विद्यार्थी असतात त्यामुळे एका वर्गात तीन वेगवेगळे प्रकारचे अध्ययन अध्यापन करावे लागत आहे. एका वर्गातील सर्वच विद्यार्थी एकच प्रकारच्या अध्ययन स्तरावर नसतात म्हणजे सारखेच अध्ययन कौशल्य अवगत झालेले नसतात. अशा वेळेला एका शिक्षकाला तीन वेगवेगळ्या प्रकारचे शैक्षणिक अनुभव विद्यार्थ्यांना अवगत करून द्यावे लागतात,ते वेळ आणि श्रम खाणारे तर आहेच पण काही वेळेला तुलनेनं अधिक चांगल्या प्रकारे अध्ययन कौशल्य अवगत असणारे हुशार मुलांवर अन्याय करणारेही होऊ शकते. त्यात विद्यार्थ्यांचे वर्गीकरण Basic, intermediate and advance असे असते. शाळेत इयत्ता पहिली ते चौथी-पाचवी किंवा संपूर्ण शाळेसाठी. विशेष अध्ययन अध्यापन वर्ग चालवताना सर्व इयत्तातील विद्यार्थ्यांचे वर्गीकरण Basic, intermediate and advance अशा विशेष अध्ययन कक्षात (वर्गात) केल्यास अधिक परिणामकारकरीत्या सर्व स्तरातील विद्यार्थ्यांना अध्ययनाचा तसेच त्यांच्या अध्ययन स्तरावरील योग्य अनुभव घेता येईल.अध्ययन अध्यापनाची परिणामकारकता आणि गुणवत्ता सुधारेल शिवाय सर्वांचाच वेळ वाचेल आणि श्रमही वाचतील . म्हणजे मागे पडलेल्या विद्यार्थ्यांना शिक्षक वर्गात अक्षर आणि शब्द ओळख सराव करून देत असताना तुलनेनं अधिक चांगलं समज पूर्वक आणि अस्खलित वाचन करणाऱ्या विद्यार्थ्यांना त्यांना अवगत असणार तेच ते पुन्हा पुन्हा न शिकता त्यांच्याप्रमाणे क्षमता प्राप्त असणाऱ्या इतर इयत्तेतील विद्यार्थ्यांसह सहभागी होता येईल. आणि त्या advance गटासाठी मार्गदर्शन करणाऱ्या शिक्षकांच्या मार्गदर्शनात पुढील advance भाग शिकता येईल. शाळेतील सर्व घटकांच्या एकमेकांना सहकार्य करण्याच्या कार्यपद्धतीमुळे हे सहज शक्य होईल.

टीप 

सराव सुलेखन वही पहाण्यासाठी तसेच डाउनलोड करण्यासाठी वरील फोटोला स्पर्श करा ( क्लिक करा )