प्रति.

मुख्याध्यापक /प्रभारी मुख्याध्यापक/ सेवा जेष्ठ,वरिष्ठ शिक्षक.

हल्ली एका वर्गात साधारणता दोन ते तीन प्रकारे अध्ययन स्तर असणारे विद्यार्थी असतात त्यामुळे एका वर्गात तीन स्तरावर वेगवेगळे प्रकारचे अध्ययन अध्यापन करावे लागत आहे. एका वर्गातील सर्वच विद्यार्थी एकच प्रकारच्या अध्ययन स्तरावर नसतात म्हणजे सारखेच अध्ययन कौशल्य अवगत झालेले नसतात. अशा वेळेला एका शिक्षकाला तीन वेगवेगळ्या प्रकारचे शैक्षणिक अनुभव विद्यार्थ्यांना अवगत करून द्यावे लागतात,ते वेळ आणि श्रम खाणारे तर आहेच पण बर्‍याचदा वेळेला तुलनेनं अधिक चांगल्या प्रकारे अध्ययन कौशल्य अवगत असणारे या अध्ययन प्रकारात हुशार असणार्‍या मुलांवर अन्याय करणारेही होऊ शकते. त्यात विद्यार्थ्यांचे वर्गीकरण Basic, intermediate and advance असे असते.

शाळेत इयत्ता पहिली ते आठवीत शिकणाऱ्या मुलांसाठी अर्थात संपूर्ण शाळेसाठी . विशेष अध्ययन अध्यापन वर्ग चालवताना सर्व इयत्तातील विद्यार्थ्यांचे वर्गीकरण Basic, intermediate and advance अशा विशेष अध्ययन कक्षात (वर्गात) केल्यास अधिक परिणामकारकरीत्या सर्व स्तरातील विद्यार्थ्यांना अध्ययनाचा तसेच त्यांच्या अध्ययन स्तरावरील योग्य अनुभव घेता येईल.

अध्ययन अध्यापनाची परिणामकारकता आणि गुणवत्ता सुधारेल शिवाय सर्वांचाच वेळ वाचेल आणि श्रमही वाचतील . म्हणजे मागे पडलेल्या विद्यार्थ्यांना शिक्षक वर्गात अक्षर आणि शब्द ओळख सराव करून देत असताना तुलनेनं अधिक चांगलं समज पूर्वक आणि अस्खलित वाचन करणाऱ्या विद्यार्थ्यांना त्यांना अवगत असणार तेच ते पुन्हा पुन्हा न शिकता त्यांच्याप्रमाणे क्षमता प्राप्त असणाऱ्या इतर इयत्तेतील विद्यार्थ्यांसह सहभागी होता येईल. आणि त्या advance गटासाठी मार्गदर्शन करणाऱ्या शिक्षकांच्या मार्गदर्शनात पुढील advance भाग शिकता येईल.

शाळेतील सर्व घटकांच्या एकमेकांना सहकार्य करण्याच्या कार्यपद्धतीमुळे हे सहज शक्य होईल. हा विषय पूर्वी देखील चर्चिला गेला आहे. ६ मार्च २०२२ रोजी लिहिलेल्या लेखाचा संदर्भ देखील सर्वांसमोर दिला होता परंतु यावर अद्याप आपल्या शालेय स्तरावर प्रत्यक्ष कार्यवाहीच्या निष्कर्षापर्यंत आपण पोहोचलो नाही म्हणून स्मरणासाठी हा पत्र प्रपंच