चला गोष्टी वाचूया...

'मनी आणि गुळ शेंगदाण्याचे लाडू'

एकदा काय झाले, मनी नावाची एक छोटी मुलगी होती. तिच्या वाढदिवसाच्या दिवशी तिला आईने गुळ शेंगदाण्याचे लाडू दिले. मनी खूप खुश झाली. आईने तिला सांगितले, "मनी, हे गुळ शेंगदाण्याचे लाडू  तू आणि तुझे मित्र मिळून खाऊ शकता. तू लाडू त्यांना समसमान वाटून दे." मनीने मिठाईचे गोळे मोजायला सुरुवात केली. तिला डब्ब्यात 12 लाडू सापडले. मनीने विचारले, "आई, मी आणि माझे 3 मित्र आहेत. आपल्याला सगळ्यांना किती लाडू मिळतील?" आईने हसून सांगितले, "चला, आपण मोजून पाहू. तुझ्याकडे 12 लाडू आहेत, आणि तुम्ही चारजण आहात. म्हणजे प्रत्येकाला किती लाडू मिळतील?" मनीने मोजायला सुरुवात केली, "12 लाडू 4 लोकांमध्ये वाटायचे म्हणजे 12 ÷ 4 = 3. प्रत्येकाला 3 लाडू मिळतील." मनीने उत्साहाने तिचे 3 मित्र राज, खुशी, आणि अमन यांना बोलावले आणि प्रत्येकाला 3-3 लाडू दिले. मित्रांनी लाडू खाल्ले आणि खूप खुश झाले. राज म्हणाला, "मनी, तु खूप हुशार आहेस! तू गणिताच्या मदतीने लाडू समसमान वाटलेस." मनी हसून म्हणाली, "हो, गणित खूप मजेदार आहे आणि मला माझ्या मित्रांबरोबर खाऊ वाटायला खूप आवडते." या गोष्टीतून मनीने शिकले की गणिताची मदत घेऊन आपण गोष्टी समसमान वाटू शकतो आणि मित्रांबरोबर आनंद वाटल्याने तो अधिक वाढतो. - लेखक शैलेश शिरसाठ,जळगाव.