आज दिनांक 25 नोव्हेंबर 2025 मंगळवार रोजी जिल्हा परिषद प्राथमिक शाळा, फुलपाट येथे संविधान जागर सप्ताह उत्साहपूर्ण वातावरणात साजरा करण्यात आला. या कार्यक्रमाचा मुख्य उद्देश विद्यार्थ्यांना भारतीय संविधानाबद्दल, विशेषतः संविधानाच्या उद्देशिकेतील (Preamble) महत्वाच्या मूल्यांविषयी माहिती देणे हा होता.
कार्यक्रमाची सुरुवात शाळेचे मुख्याध्यापक श्री.भटू पाटील यांच्या हस्ते करण्यात आली. त्यांनी विद्यार्थ्यांना भारताच्या संविधानाची वैशिष्ट्ये, त्यातील लोकशाही, धर्मनिरपेक्षता, समानता, स्वातंत्र्य, न्याय आणि बंधुता या मूलभूत मूल्यांविषयी सोप्या आणि समजण्यासारख्या शब्दांत मार्गदर्शन केले. संविधान हे देशाचे मार्गदर्शक तत्त्व असून प्रत्येक नागरिकाने त्याचे पालन करणे आवश्यक असल्याचे विद्यार्थ्यांना पटवून सांगितले.यानंतर उपशिक्षक श्री. शैलेश शिरसाठ यांनी संविधानाची उद्देशिका विद्यार्थ्यांना वाचन करून दाखवली आणि प्रत्येक ओळीचा अर्थ उलगडत विद्यार्थ्यांना समजावून दिला. विद्यार्थ्यांच्या मनात लोकशाही मूल्यांची बीजे रोवण्यासाठी त्यांनी विविध उदाहरणे, छोटे प्रश्न आणि संवाद यांचा वापर केला. विद्यार्थ्यांनीही उत्साहाने सहभाग घेतला.
या कार्यक्रमामुळे विद्यार्थ्यांमध्ये संविधानाबद्दल जागरूकता, देशभावना आणि लोकशाही मूल्यांची जाण निर्माण झाली.
