वीर बाल दिवस कार्यक्रम संपन्न.
जिल्हा परिषद प्राथमिक शाळा फुलपाट,
ता. धरणगाव, जि. जळगाव
जिल्हा परिषद प्राथमिक शाळा फुलपाट येथे वीर बाल दिवस उत्साहात साजरा करण्यात आला. या दिनाचे औचित्य साधून विद्यार्थ्यांना साहिबजादे जोरावर सिंह व साहिबजादे फतेह सिंह यांच्या अतुलनीय शौर्य, त्याग व बलिदानाची ओळख करून देण्यात आली.
कार्यक्रमाच्या सुरुवातीस विद्यार्थ्यांना वीर बाल दिवस या विषयावरील ध्वनी-चित्रफित (व्हिडिओ) दाखवण्यात आली. या चित्रफितीतून साहिबजादे जोरावर सिंह आणि फतेह सिंह यांच्या शौर्यपूर्ण बलिदानाची माहिती विद्यार्थ्यांना मिळाली. त्यानंतर शिक्षकांनी वीर बाल दिवसाचे महत्त्व तसेच या वीर बालकांच्या जीवनकार्याविषयी विद्यार्थ्यांना सोप्या व समजण्याजोग्या भाषेत मार्गदर्शन केले.
यानंतर विद्यार्थ्यांसाठी चित्र रंगवा स्पर्धा तसेच इतर सर्जनशील व शैक्षणिक उपक्रम राबवण्यात आले. या उपक्रमांमध्ये विद्यार्थ्यांनी उत्स्फूर्त सहभाग घेतला.
सदर कार्यक्रमास शाळेतील उपशिक्षक शैलेश शिरसाठ, मुख्याध्यापक श्री. भटू पाटील तसेच केंद्रप्रमुख श्री. प्रभात तडवी हे उपस्थित होते.
या कार्यक्रमामुळे विद्यार्थ्यांमध्ये शौर्य, धैर्य, त्याग व देशभक्तीची भावना रुजण्यास मदत झाली. कार्यक्रम यशस्वीपणे पार पडला.
