साने गुरुजी जयंती उत्साहात साजरी.

दिनांक 24 डिसेंबर 2024 रोजी जिल्हा परिषद उच्च प्राथमिक शाळा, शेरी येथे पूज्य साने गुरुजी यांची जयंती उत्साहात साजरी करण्यात आली. कार्यक्रमाच्या अध्यक्षस्थानी शाळेचे मुख्याध्यापक श्री. प्रेमलाल पाटील होते.

कार्यक्रमाची सुरुवात साने गुरुजींच्या प्रतिमेला पुष्पहार अर्पण करून व दीपप्रज्वलनाने झाली. उपस्थित सर्व शिक्षक, विद्यार्थी आणि कर्मचाऱ्यांनी साने गुरुजींना आदरांजली वाहिली.

कार्यक्रमाचे सूत्रसंचालन श्री. भटू पाटील सर यांनी अत्यंत प्रभावीपणे केले. साने गुरुजींच्या जीवनकार्याबद्दल सखोल माहिती शाळेतील शिक्षक श्री. शैलेश शिरसाट सर आणि श्री. विश्वास पाटील सर यांनी विद्यार्थ्यांना दिली. त्यांनी साने गुरुजींच्या त्यागमय जीवनाचा आणि त्यांच्या साहित्यिक योगदानाचा उल्लेख करून विद्यार्थ्यांना प्रेरित केले.

श्री. प्रेमलाल पाटील सर यांनी अध्यक्षीय भाषणात साने गुरुजींच्या जीवनातील विविध प्रसंगांमधून विद्यार्थ्यांनी कसा बोध घ्यावा, हे समजावून सांगितले. त्यांच्या प्रेरणादायी विचारांनी विद्यार्थ्यांना नवी दिशा मिळाली.

कार्यक्रमाच्या शेवटी प्रशिक्षणार्थी शिक्षिका कु. दिव्या बेलदार यांनी आभार प्रदर्शन केले.

अहवाल लेखन:

श्री. शैलेश शिरसाट

(शिक्षक, जिल्हा परिषद उच्च प्राथमिक शाळा, शेरी)