स्वराज्य संकल्पिका राजमाता जिजाऊ मासाहेब तसेच युगप्रवर्तक संत स्वामी विवेकानंद जयंती राष्ट्रीय युवा दिन उत्साहात साजरा.

 दिनांक : १२ जानेवारी २०२६

स्थळ : जि.प. प्राथमिक शाळा, फुलपाट

तालुका : धरणगाव

जिल्हा : जळगाव

जि.प. प्राथमिक शाळा फुलपाट येथे विद्यार्थ्यांच्या सर्वांगीण विकासाच्या दृष्टीने डिजिटल (ध्वनी–चित्रफितीच्या माध्यमातून) शैक्षणिक उपक्रम राबविण्यात आला. सदर उपक्रमात विद्यार्थ्यांना स्वराज्य संकल्पिका राजमाता जिजाऊ मासाहेब यांच्या महान कार्याविषयी तसेच युगप्रवर्तक संत स्वामी विवेकानंद यांच्या जीवनकार्याविषयी माहिती देण्यात आली.

कार्यक्रमाच्या प्रारंभी विद्यार्थ्यांना डिजिटल स्क्रीनच्या माध्यमातून प्रेरणादायी ध्वनीचित्रफिती दाखविण्यात आल्या. या चित्रफितींमधून राजमाता जिजाऊ मासाहेब यांनी छत्रपती शिवाजी महाराजांवर केलेले संस्कार, स्वराज्यनिर्मितीमागील त्यांचे योगदान तसेच स्वामी विवेकानंद यांच्या विचारांतून आत्मविश्वास, राष्ट्रभक्ती व चारित्र्यनिर्मितीचे महत्त्व विद्यार्थ्यांपर्यंत प्रभावीपणे पोहोचविण्यात आले.

सदर कार्यक्रमात शाळेचे मुख्याध्यापक श्री. भटू पाटील यांनी विद्यार्थ्यांना मार्गदर्शन करताना महापुरुषांच्या विचारांचा अंगीकार करण्याचे महत्त्व सांगितले. त्यांनी विद्यार्थ्यांना अभ्यासाबरोबरच संस्कार, शिस्त व राष्ट्रप्रेम यांचे महत्त्व समजावून सांगितले.

कार्यक्रमाचे सुत्रसंचालन शिक्षक श्री. शैलेश शिरसाठ यांनी केले. विद्यार्थ्यांनी कार्यक्रमात उत्स्फूर्त सहभाग नोंदवला.

हा उपक्रम विद्यार्थ्यांमध्ये राष्ट्रीय विचार, प्रेरणा व चारित्र्यनिर्मितीसाठी अत्यंत उपयुक्त ठरला.